ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Сәясәт

Россиягә Төркиядән мандарин, апельсин, нектарин, өрек һәм слива кертелә башларга мөмкин

25 октябрь 2016, 13:25

Илнең таможнясы Төркиядән цитруслы җиләк-җимешләрне кабул итәргә техник яктан тулысынча әзер.

(Казан, 25 октябрь, «Татар-информ»). Якын арада Россиягә Төркиядән яңадан цитруслы җиләк-җимеш кертелә башларга мөмкин, дип белдерде журналистларга Федераль таможня хезмәте башлыгы Владимир Булавин ведомствоның 25 еллыгына багышланган күргәзмәдә. Бу хакта "ТАСС" яза.

Федераль таможня хезмәте башлыгы урынбасары Руслан Давыдов Россия таможнясы техник яктан Төркиянең цитруслы җиләк-җимешләрен кабул итәргә әзер булуын билгеләп үтә.

2016 елның гыйнварыннан Россия Төркия яшелчәләрен һәм җиләк-җимешләрен кертүне тыйган иде. Бу исемлектә апельсин, мандарин, виноград, алма, груша, өрек, шәфталу, нектарин, слива, каен җиләге һәм җир җиләге урын алган иде. Моннан тыш, помидор, кыяр, чәчәкле кәбестә һәм брокколи, суган, шулай ук туңдырылган күркә һәм тавык итләре тә чикләүгә эләкте. Бу карар илләр арасындагы сәяси низаг аркасында Төркиягә карата күрелгән санкцияләрнең бер өлеше булды.

Ветеринария һәм фитосанитария күзәтчелеге федераль хезмәте дә Төркиядән борыч, анар һәм баклажан, латук һәм айсберг салатларын, ташкабак һәм кабак кертүне тыйды.

Агымдагы елның 9 октябрендәге карар нигезендә Төркия Россиягә янә мандарин, апельсин, шәфталу һәм нектарин, өрек, слива сата ала.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10