ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Социаль приютларда яшәүче балаларны бәхетлерәк итү көчебездән килә - Татьяна Ларионова

21 октябрь 2016, 18:31

Татарстанда балалар һәм үсмерләр өчен социаль приютларында "Бергә булдырабыз" социаль-гуманитар проектын тормышка ашыра башлау планлаштырыла.

(Казан, 21 октябрь, «Татар-информ», Надежда Гордеева). Яңа ел алдыннан Татарстанда балалар һәм үсмерләр өчен социаль приютларында "Бергә булдырабыз" социаль-гуманитар проектын тормышка ашыра башларга планлаштыралар. Бу хакта бүген «Мәрхәмәт-Милосердие» хатын-кыз депутатлары берләшмәсе утырышында әлеге берләшмә җитәкчесе, Татарстан парламенты Рәисе урынбасары Татьяна Ларионова белдерде.

"Проект авыр хәлдә калган балалар белән бәйле. Без балалар һәм үсмерләр өчен социаль приютлар турында кайгыртуны үз өстебезгә алырга телибез, алар республикада - 18. Бу балаларны бәхетлерәк итү безнең көчебездән килә. Иң мөһиме, язмыш аларны имин гаиләле итмәүгә карамастан, алар җәмгыятькә яраклашсын", - дип ачыклык кертте Татарстан Дәүләт Советы Рәисе урынбасары.

Т.Ларионова фикеренчә, проект социаль министрлыкларны һәм ведомстволарны, предприятиеләрне, депутатлар корпусларын берләштерәчәк.

Проектның максаты - балалар һәм үсмерләр өчен социаль приютларда тәрбияләнүче балигъ булмаганнарның яшәү шартларны имин, гаиләдәгегә якынайту. Шартлар аларның көнкүреш, хезмәт һәм физик тәрбия, мөстәкыйль тормыш өчен күнекмәләр алуга уңайлы булырга тиеш.

Социаль-көнкүреш адаптация һәм хезмәт реабилитациясе бүлмәләрен җиһазлау, көнкүреш һәм хезмәт тәрбиясе бирү программасын кертү, һөнәр сайлау чаралары комплексын эшләү планлаштырыла.

Шулай ук приютларда тәрбияләнүчеләрнең әти-әниләре, башка туганнары, уллыкка-кызлыкка алучылар белән очрашулар бүлмәләре төзекләндереләчәк. Приют территорияләрендә универсаль спорт-уен мәйданчыклары пәйда булырга тиеш.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10