ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Мәдәният

Теләчедән Мөхәммәтхановлар Россиякүләм иҗади гаиләләр фестиваль-конкурсында лауреат булды

19 октябрь 2016, 06:47

Алар, татар халык көйләрен башкарып, "Музыкаль гаилә" номинациясендә җиңде.

 (Теләче, 19 октябрь, “Татар-информ”, “Теләче”, Раил Рәшитов). Теләче районының Шәтке авылыннан Мөхәммәтхановлар гаиләсе ансамбле Казан шәһәрендә үткән “Сәнгатькә чикләр юк” I Россиякүләм иҗади гаиләләр фестиваль-конкурсында уңышлы гына катнашып кайтты. Рафил белән Гөлгенә Мөхәммәтхановлар һәм аларның уллары Айсаф, Альмир, Айбулат сәхнәдә уен кораллары белән татар халык көйләренә тезмә башкарып, конкурсның инструменталь жанрында "Музыкаль гаилә" номинациясендә лауреат дипломына лаек булдылар, диелә “Теләче” газетасы хәбәрендә.

Фестиваль-конкурс Россия һәм Татарстан Мәдәният министрлыклары, Казан дәүләт мәдәният институты тарафыннан оештырылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10