ҺАВА ТОРЫШЫ +32 oC

Яңалыклар

барлык хәбәрләр Татарстан Россия
МӨҺим
Быел Әлки районы Алпар авылында өченче тапкыр Сабан туе оештырылды
Роспотребнадзор Хаҗ кылучылар өчен йогышлы авырулар куркынычы турында белдерде
Сайлау көнне Төркиянең Эрзурум төбәге ИЙИ партиясенең Карачобан районы башлыгы үтерелгән
"Татар-информ"да хәләл продукцияне сертификатлаштыру турында сөйләшәчәкләр
Кичәге сайлаулар нәтиҗәсе буенча Төркия парламентына биш партия керде

Фән һәм мәгариф

Бөтенроссия укучылар олимпиадаларын оештыручыларның киңәшмәсе быел Казанда узачак

17 октябрь 2016, 16:07

Анда 2015-2016 уку елында узган олимпиадалар нәтиҗәләре, шулай ук агымдагы уку елына планнар карала.

(Казан, 17 октябрь, «Татар-информ»). 20-21 октябрьдә Казанда Бөтенроссия укучылар олимпиадаларын төбәкләрдә оештыручылар киҗәшмәгә җыела. Анда 2015-2016 уку елында уздырылган олимпиада нәтиҗәләре, шулай ук агымдагы уку елына планнар буенча фикер алышачаклар, дип хәбәр итә Россия Мәгариф министрлыгының рәсми сайты.

Киңәшмәдә катнашучылар  укуда зур уңышларга ирешкән укучыларны ачыклауда тәҗрибә уртаклашачак. Пленар утырыш кысаларында Россия Мәгариф һәм фән министрлыгы, Мәгариф хезмәткәрләренең квалификациясен күтәрү һәм яңадан әзерләү академиясе вәкилләре чыгыш ясаячак.

Моннан тыш, «Сириус» Мәгариф үзәге эшчәнлеген презентацияләү, Татарстан Мәгариф һәм фән министрлыгының Республика олимпиада үзәге, Казан мәгариф оешмалары эшчәнлеге белән танышу планлаштырылган.

Киңәшмәдә хакимият төбәк органнары вәкилләре, төбәктә олимпиада оештыру һәм үткәрү өчен җаваплы затлар, мәгариф оешмалары җитәкчеләре, шулай ук педагоглар берлеге вәкилләре катнаша.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10