ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Дин

Чирмешән мәчете ремонтланды

17 октябрь 2016, 03:18

Имам хатыйб газета аша мәчеткә ярдәм итүчеләргә рәхмәт белдерә.

(Казан, 17 октябрь, "Татар-информ"). Чирмешән мәчетендәге ремонт эшләре төгәлләнде. Бу хакта Чирмешән мәчете имам хатыйбы Рамил хәзрәт Ибраһимов "Безнең Чирмешән" газетасы аша хәбәр итә.

"Ремонттан соң Чирмешән мәчете яңа төс алды. Ап-ак стеналар, өр-яңа келәмнәр мәчетебезгә ямь биреп тора", - дип яза имам хатыйб. Ул мәчеткә ярдәм итүчеләргә рәхмәт тә белдерә.

"Билгеле, бу күләмле эшне изге күңелле райондашларыбыздан башка башкарып чыгу мөмкин булмас иде. Аеруча нык булышкан Булат Латыйпов, Рифкать Хәммәтгалимов, Рияз Шәрифуллин, Минхановлар һәм Тәһаутдиновлар гаиләләренә, Илмир Камалов, Рифкать Камалов, Илгиз Хазбулатов, Юрий Фроловка барлык мәчет картлары һәм үземнең исемнән олы рәхмәт җиткерәм. Шундый изге гамәлләр кылучылар турында Пәйгәмбәребез үзенең бер хадисендә: “Аллаһ Тәгалә ризалыгы өчен эшләнгән гамәлләр, хәзер үк яки соңрак, барыбер сиңа бәхет вә шатлык китерәчәк...“ - дигән".


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10