ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Табылдык кредит картасы белән хатыннарына йомшак аю алган әлмәтлеләр тоткарланды

14 октябрь 2016, 12:12

Полицейскийлар Әлмәт районында яшәүче дүрт егетне тоткарлады.

(Әлмәт, 14 октябрь, “Татар-информ, “Әлмәт таңнары”). Полицейскийлар Әлмәт районында яшәүче дүрт егетне тоткарлады. Алар чит кеше картасыннан 57 мең сумнан артык акча алып, бу акчага ашап чыкканнар, аннары кыйммәтле 2 смартфон һәм хатыннарына бүләккә 4 зур плюш аю һәм чәчәк бәйләмнәре алганнар, дип сурәтли сәер гамәлләрне “Әлмәт таңнары” газетасы.

Аларны 31 яшьлек әлмәтле полициягә кредит картасы югалу турында хәбәр иткәннән соң тоткарлыйлар. Хатыны белән төнге клубта ял иткән әлмәтле кичке аш өчен кредит картасы белән түли һәм аны чалбарының арткы кесәсенә тыгып куя. Ә иртән йокыдан уянуына телефонына акча алу турында смслар килгәнен күреп гаҗәпкә кала. Баксаң, пин-кодсыз булган кредит картасын 19, 20 һәм 26 яшьлек Әлмәт районы егетләре таба һәм бу акчага рәхәтләнеп күңел ача. Алар кергән кибетләрдә видеокамералар куелган булып чыга. Шул рәвешле, аларны тиз табалар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10