ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Мәдәният

Алабугада ачылган мини-музейда татар мәдәниятенә һәм тарихына бәйле экспонатлар урын алган

14 октябрь 2016, 02:45

Музейга "Ачыйк тарих битләрен" дип исем биргәннәр.

(Казан, 14 октябрь, “Татар-информ”). Алабуга үзәк китапханәсенең 5 нче номерлы филиалында (4 нче микрорайон, Окружное шоссе ур., 37) мини-музей эшли башлады, дип хәбәр итә районның “Новая Кама” газетасы.

Әлеге музейга “Ачыйк тарих битләрен. Листая страницы прошлого” дигән исем биргәннәр. Күргәзмәдә татар милли өс һәм аяк киемнәре, борынгы көнкүреш әйберләре (шул исәптән кулдан эшләнгән чигүле һәм ришелье япмалар, пәрдәләр), туку станогы детальләре, кул тегермәне, тегү машинасы, татар мәдәниятенә һәм тарихына кагылышлы уникаль китаплар, фотосурәтләр һ.б. экспонатлар урын алган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10