ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять, Дин

Болгарда киңкүләм төстә Корбан бәйрәме уздырыла башларга мөмкин - Минтимер Шәймиев

7 октябрь 2016, 15:23

Минтимер Шәймиев кунакханә төзелеп беткәч, төрле җирләрдән мөселман кардәшләребезне чакырырга мөмкинлек булачагын билгеләп узды.

(Болгар, 7 октябрь, "Татар-информ", Гөлнар Гарифуллина). Киләсе елдан борынгы Болгарда киңкүләм төстә Корбан бәйрәме уздырыла башларга мөмкин. Бүген бу хакта журналистларга Татарстанның Дәүләт Киңәшчесе, “Яңарыш” республика фонды Попечительлек советы рәисе Минтимер Шәймиев белдерде. Болгар ислам академиясе һәм Кол Гали кунакханәсе төзелеше барышы белән танышу максатыннан, бүген ул Болгарга барды.

"Бәлкем, инде киләсе елдан башлап биредә Корбан бәйрәмен зурлап уздыра башларга мөмкин булыр. Башта Татарстан күләмендә, аннары башка төбәкләрдән мөселман кардәшләрне чакырып, Корбан бәйрәме үткәрү өчен Болгарда бөтен мөмкинлекләр бар. Ислам динен кабул иткән көнне җыелышабыз бит. Каян гына килми кунакларыбыз. Корбан бәйрәмен дә шулай итеп оештырырга була. Кунакханә дә төзелсә, мөмкинлекләр булачак", - диде Минтимер Шәймиев.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10