ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Авыл

Татарстанда 1,3 млн тонна шикәр чөгендере җыеп алынган

6 октябрь 2016, 21:06

Тамыразыктан уртача уңыш гектарыннан 336 центнер чыккан.

(Казан, 6 октябрь, «Татар-информ»). Татарстанда техник культураларны җыеп алу эше бара. Бүгенге көнгә 1 млн 296,2 мең тонна шикәр чөгендере 38,5 мең га мәйданнан җыеп алынган, бу планның 61 процентын тәшкил итә. Тамыразыктан уртача уңыш гектарыннан 336 центнер чыга, дип хәбәр итә ТР Авыл хуҗалыгы һәм азык-төлек министрлыгы матбугат хезмәте.

Бәрәңге 6,4 мең га мәйданда җыелган – бу планның 81 проценты дигән сүз. 117,8 мең тонна бәрәңге алынган, уңыш гектарыннан 183 центнер чыккан.

Республика хуҗалыкларында 0,8 мең гектарда яшелчәләр җыеп алынган - бу планда каралганның 41 проценты. Яшелчәләрдән тулаем җыем 25,5 мең тонна тәшкил иткән.

189,7 мең тонна бөртеккә кукуруз суктырылган, 58,8 мең гектар мәйданда эш башкарылган. Планда каралганның 61 проценты эшләнгән, әлеге культурадан уртача уңыш гектарыннан 32,3 центнер булган.

Көнбагыш 48,2 мең га суктырылган– планның 44 проценты үтәлгән. 71 мең тонна майорлыклары гектарыннан 14,7центнер уңыш белән җыеп алынган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10