ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казанга Япония принцессасы Хисако Такамадо килде
Польшада татар милли ашлары көннәре бара
“Метаморфозы”: Нурбәк Батулла һәм аның командасыннан хореографиягә яңача караш
Рөстәм Миңнеханов ТР Дәүләт Советы утырышында катнашачак
Татарстан Президенты Испания Корольлегенең Россиядәге Илчесе белән очрашачак

Мәдәният

Режиссер Фәрит Бикчәнтәев Башкорт драма театрында премьера тәкъдим итте

6 октябрь 2016, 16:38

Коллегалары уңышларына сөенергә Казаннан Камал театры артистлары һәм сәнгать әһелләре дә килгән иде.

(Казан, 6 октябрь, «Татар-информ»). 4 октябрьдә Башкортстанның Мәҗит Гафури исемендәге академия драма театры сезонын ачып җибәргән. Театр сөючеләргә беренче булып, Жан Ануя пьесасы буенча Г.Камал исемендәге татар дәүләт академия театры баш режиссеры Фәрит Бикчәнтәев сәхнәләштергән «Антигона» спектакле тәкъдим ителгән. Бу инде танылган татар режиссерының башкорт сәхнәсендә куелган өченче эше.

Башкорт драма театрының сәнгать җитәкчесе Олег Ханов билгеләп үткәнчә, спектакль кую турындагы уртак идея яшь чакта ук барлыкка килгән булган. «БСТ» каналы хәбәр иткәнчә, спектакль тирән тәэсирләр калдырган. Әлеге спектакль Башкорт драма театрында беренче тапкыр уйналган.

Башкорт драма театр сәнгать җитәкчесе һәм арада күпьеллык дуслык булган башкорт коллегалары уңышларына сөенергә Казаннан Камал театры артистлары һәм сәнгать әһелләре дә килгән. «БСТ» биргән интервьюсында актриса Люция Хәмитова, премьера алдыннан Фәрит өчен дә, театр артистлары өчен дә бик дулкынлануларын җиткергән. Спектакль Уфа тамашачылары тарафыннан бик яратып кабул ителгән. 4 һәм 5 октябрь – премьера көннәрендә залда аншлаг булган.

Әлеге спектакль белән Башкорт драма театры үзенең 97нче сезонын ачып җибәргән. Тамашачылар бу көнне түземсезлек белән көткәннәрен белдергәннәр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10