ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

2017 елның җәендә Уфа-Казан-Уфа юнәлешендә туристик поезд йөри башлаячак

6 октябрь 2016, 15:45

Проект Татарстан белән Башкортстан арасында туризм өлкәсендә хезмәттәшлек итү турындагы килешү имзалану кысаларында тәкъдим ителгән.

(Казан, 6 октябрь, «Татар-информ», Оксана Романова). 2017 елның җәендә Уфа-Казан-Уфа юнәлешендә туристик поезд йөри башлый. Шул хактагы килешү 20 сентябрьдә Мәскәүнең "Ял-2016" күргәзмәсе кысаларында Татарстан Республикасының Туризм буенча дәүләт комитеты, Башкортстан Республикасы Эшмәкәрлек һәм туризм дәүләт колмитеты, шулай ук «РЖД-тур» ҖЧҖ тарафыннан имзаланган. Бу хакта "Татар-информ" агентлыгы хәбәрчесенә Татарстан Республикасының Туризм буенча дәүләт комитеты рәисе урынбасары Екатерина Барабанова хәбәр итте.

"Проект безнең республикаларның туристлык мөмкинлекләрен этәрү һәм поездларда да төрле турлар булдыру кысаларында Татарстан белән Башкортстан арасындагы хезмәттәшлек килешүен тормышка ашыру максаты белән тәкъдим ителә.

Хәзер бу проектны Казан белән Уфа арасында язгы үзара туристлык поезды хәрәкәтен оештыру өлешендә тормышка ашыру буенча фикер алышалар. Мөгаен, язын поезд бер көнлек сәяхәт өчен булыр - кичен кешеләр поездга утыра, төнлә баралар, иртән килеп җитәләр, Казан яки Уфаның истәлекле урыннарында булалар һәм кич кире кайталар", - дип белдерде Екатерина Барабанова.

Аның сүзләренчә, әгәр туристлар арасында ихтыяҗ була икән, көзге каникулларда ике көнлек тур булдырылачак. Хәзер ике шәһәр вәкилләре бу проектны чынга ашыру мөмкинлелкәре һәм турпакет бәясе буенча сөйләшүләр алып бара.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10