ҺАВА ТОРЫШЫ -7 oC

Яңалыклар

барлык хәбәрләр Татарстан Россия

Дин

Татарстан мөселманнары Диния нәзарәтенә Хаҗ турында фильм төшерү тәкъдим ителде

4 октябрь 2016, 05:10

Рөстәм Батров моны, бәлки, киләсе елга чынга ашырып булыр дип җавап бирде.

(Казан, 4 октябрь, “Татар-информ”, Гөлнар Гарифуллина). “Россия для всех” интернет-порталының баш редакторы Радик Әмиров Татарстан мөселманнары Диния нәзарәтенә Согуд Гарәбстанына Хаҗ сәфәре турында фильм төшерергә тәкъдим итте. Бу хакта ул Мәскәү – Казан – Симферополь видеокүпере барышында әйтте.

Мультимедияле видеокүпердә Казаннан Татарстан мөфтиенең беренче урынбасары Рөстәм хәзрәт Батров һәм ТР мөселманнарының Диния нәзарәте “Хаҗ” җитәкчесе Ранис хәзрәт Вахитов катнашты. Казаннан элемтә “Татар-информ” агентлыгы студиясеннән оештырылды.

“Без Хаҗ турында мондый фильм төшерү турында уйларбыз. Бәлки, киләсе елга булыр. Бу яхшы идея. Быел сыйфатлы фотоальбомдан башлаячакбыз”, - дип белдерде Рөстәм Батров Мәскәүдән килгән тәкъдимгә җавап итеп.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10