ҺАВА ТОРЫШЫ +6 oC

Яңалыклар

барлык хәбәрләр Татарстан Россия
×

Авыл

Россиягә үз орлык базасын булдыруга кимендә 10 ел вакыт кирәк - РФ авыл хуҗалыгы министры

3 октябрь 2016, 11:17

Министр илдә орлыкчылыкны торгызуда дәүләт аякка басарга ярдәм итәчәк, дип белдергән.

(Казан, 3 октябрь, «Татар-информ»). Россия авыл хуҗалыгы министры Александр Ткачев Россиягә үз орлык базасын булдыруга кимендә 10 ел вакыт кирәк, дип белдергән. Бу хакта INTERFAX.RU хәбәр итә.

"Безгә конкрет продукция булдыру өчен кимендә 10 ел вакыт кирәк, без ул процессны башладык инде, дәүләт ярдәм итеп, әлеге бизнесны арзанайтачак", - дип белдергән Россия авыл хуҗалыгы министры якшәмбе көнне “Бердәм Россия” Дәүләт Думасы депутатларының Аносинода узган семинар киңәшмәсендә.

Аның сүзләренчә, Россия практик рәвештә үзенең орлыкчылык өлкәсен югалткан. Аерым алганда, чит илдән чөгендер орлыгының  70 процент алына, дип искәртеп узган ул.

Ткачев хәзерге вакытта орлыкчылыкның чит ил синдикатлары кулында булуын, аларның бу базарны үз вакытында миллиард долларлар салып яулап алуларын әйтеп узган.

Министр илдә орлыкчылыкны торгызуда дәүләт аякка басарга ярдәм итәчәк, дип белдергән.

АХК буенча дәүләт программасы Россиядә селекцион-орлыкчылык үзәкләрен финанслауны күздә тота.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10