ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Айгиз Баймөхәммәтовның яңа китабы геройлары арасында Татарстан язучылары да бар
Зәй сусаклагычында агым алып киткән үсмерләрне коткарганнар
Азнакай яучылары ялгызлар өчен үзәк булдырырга җыена
Салават Фәтхетдинов үзе белән сөйләшүче журналистларның үзеннән акыллы булуын тели
Татарстанда кеше үтерү буенча җинаятьләр бөтенесе диярлек ачылган

Рәсми Татарстан

Рөстәм Миңнеханов «Сочи-2016» инвестицион форум мәйданчыгында халыкара очрашулар уздырды

1 октябрь 2016, 09:16

Бүген ул Россия Федерациясе Президенты каршындагы Стратегик үсеш һәм өстенлекле проектлар буенча совет президиумы утырышында катнашачак.

(Казан, 1 октябрь, "Татар-информ"). Кичә «Сочи-2016» халыкара инвестицион форумы кысаларындагы төбәкләр күргәзмәсендә Татарстан Республикасы стенды эшлекле очрашулар алып бару мәйданчыгы булды.

Татарстан Республикасы Президенты Рөстәм Миңнеханов «Касторама РУС» ҖЧҖнең күчемсез мөлкәт буенча директоры Мишель Шез белән эшлекле хезмәттәшлек мөмкинлекләре буенча фикер алышты.

Америка-Россия эшлекле советы (АРДС) президенты Дэниель Рассель белән очрашуда Рөстәм Миңнеханов быел ноябрьдә Сан-Францискода (АКШ) узачак АРДС утырышында Татарстан Республикасы делегациясенең катнашуын оештыру мәсьәләләре турында сөйләште.

Аннары Татарстан Республикасы Президенты Осетия-Алания Республикасы Башлыгы Вячеслав Битаров белән очрашты.

Моннан тыш, бүген Рөстәм Миңнеханов һәм «Социаль өлкәгә инвестицияләр агентлыгы» АНО башкарма директоры Илья Ковалев Татарстан Республикасы белән «Социаль өлкәгә инвестицияләр агентлыгы» АНО арасында хезмәттәшлек турында килешү имзалады. Килешү мәгариф һәм мәктәпкәчә тәрбия өлкәсенә, социаль-мәдәни өлкәгә, сәламәтлек саклауга инвестицияләр кертүдә ярдәм күрсәтүгә кагыла.

Искәртәбез: бүген Рөстәм Миңнеханов «Үсеш институтлары – төбәк дәрәҗәсендә нәтиҗәле модельләрне эзләү» панель дискуссиясендә чыгыш ясаячак һәм Россия Федерациясе Президенты каршындагы Стратегик үсеш һәм өстенлекле проектлар буенча совет президиумы утырышында катнашачак. Бу хакта Татарстан лидеры матбугат хезмәте хәбәр итә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10