ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Яңа купюралар символлары өчен тавыш бирүдә Казанны Сочи һәм Ерак Көнчыгыш узган

30 сентябрь 2016, 10:01

Конкурс лидеры Сочи белән Татарстан башкаласы арасындагы аерма 9 меңгә якын тавыш тәшкил итә.

(Казан, 30 сентябрь, «Татар-информ»). Казан Россия банкының 200 һәм 2000 сум номиналлы яңа күпюраларга эләгү хокукы өчен тавыш бирүдә өченче урынга төште. Беренче урынга 281 мең 128 тавыш җыеп, янә Сочи күтәрелде, икенче урында - Ерак Көнчыгыш (272 мең 774 тавыш). Бүген твоя-россия.рф конкурсы сайтында сәгать 8гә булган мәгълүматларга караганда, Татарстан башкаласы өчен 272 мең 379 кеше тавыш биргән.

Кичә, 29 сентябрьдә көндез Казан Сочидан меңнән артык тавышка алда иде.

Искәртеп үтик: Казанның конкурста катнашучы символлары - Казан (Идел буе) федераль университеты һәм Казан Кремле.

Конкурс нәтиҗәләре буенча ике шәһәр сайланып алыначак, алар арасыннан Россия Үзәк банкы 200 һәм 2000 сумлык купюралар номиналын үзе сайлачак. Конкурс 7 октябрьгә кадәр дәвам итә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10