ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Спорт

Нурлат көрәшчеләре Самарада генерал Сидоровлар призына турнирда икенче урын алган

29 сентябрь 2016, 15:53

Анда Россиянең 6 төбәгеннән 100ләгән спортчы чувашча бил алышкан.

(Казан, 29 сентябрь, “Татар-информ”). Нурлат балалар-үсмерләр спорт мәктәбе көрәшчеләре Самара өлкәсенең Шентала районында чуваш милли көрәше - “кĕрешÿ” буенча генерал Сидоровлар призына төбәкара турнирдан уңыш белән кайтты, дип хәбәр итә nurlat.tatarstan.ru сайты.

Россиянең 6 төбәгеннән 100ләгән спортчы катнашкан ачык турнирда составында Нурлат балалар-үсмерләр спорт мәктәбе укучылары да булган Татарстан җыелма командасы, хуҗалардан гына калышып, икенче урын яулады. Команданың уңышына спорт мәктәбенең Чулпан филиалында шөгыльләнүче Риваль Камалов, Егор Клявлин, Булат Шәйхетдинов, Елаурдан Ефим Ерофеев, Владислав Еремеев, 18 яшьтән өлкәнрәкләр арасында Александр Хурастеев (Елаур) һәм Торнаястан Петр Мортазин зур өлеш керткән. Команданы исә ярышларга тренер Расих Сәмигуллин әзерләгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10