ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Рәсми Татарстан, Авыл

Марат Әхмәтов кайда гына эшләсә дә, начар эшли белми - Минтимер Шәймиев

29 сентябрь 2016, 13:23

Дәүләт Киңәшчесе аның министр булып Татарстанда калуын яхшы карар дип бәяләде

(Казан, 29 сентябрь, "Татар-информ", Гөлнар Гарифуллина). Татарстанның Дәүләт Киңәшчесе Минтимер Шәймиев журналистларга Марат Готыф улы Әхмәтовның Татарстан Республикасы Премьер-министры - авыл хуҗалыгы һәм азык-төлек министры вазифасында калуына карата үз фикерен җиткерде.

Мәгълүм булганча, Марат Әхмәтов “Бердәм Россия” партиясе кандидатлары федераль исемлеге составында Дәүләт Думасы депутаты итеп сайланган иде. Министр депутат мандатыннан баш тартты.

"Депутат булырга теләүчеләр һәрвакытта да күп булды. Алар шуңа омтыла, моның өчен көрәшә. Ә авыл хуҗалыгы белән шөгыльләнүне дәвам иттерергә омтылучыны күргәнегез булдымы?" - дип, Минтимер Шәймиев Марат Әхмәтовның үз эшен бик яхшы белүе һәм бай тәҗрибәле булуын билгеләп узды.

"Бүген ул белгеч буларак алыштыргысыз. Аның авыл хуҗалыгы тармагын яхшы белүе бүгенге концерттан да күренде, аны бүгенге тантананың концертмейстеры да дияргә була. Мин һәрвакыт сокланам, бу, беренче чиратта, кешенең культурасын күрсәтә. Аның карары дөрес дип саныйм. Бүген залның реакциясен күрдегезме - халыкның аны кая туган, шунда күрәселәре килә. Ул күп нәрсәгә лаек. Марат Готыф улы кайда гына эшләсә дә, начар эшли белми. Аллаһы Тәгалә биргән гомерен туган җирендә хезмәт итүгә багышларга уйлавы бик яхшы фикер", - дип Минтимер Шәймиев аңа уңышлар теләде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10