ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Авыл

Владимир Путин экспортка ашлык чыгару күләмен арттырмаска өнди

27 сентябрь 2016, 18:46

Россия авыл хуҗалыгы министры фаразлавы буенча, экспортка быел 35-40 млн тонна икмәк чыгарылачак.

(Казан, 27 сентябрь, «Татар-информ»). Россия үз экспорт сәясәтендә дөнья базарындагы бөртек конъюнктурасын истә тотарга тиеш, дип белдерде Президент Владимир Путин Авыл хуҗалыгы министры Александр Ткачев белән очрашуда. Бу хакта Интерфакс яза.

"Беренчедән, без экспортны оештырганда эчке базарда үз мәнфәгатьләребезне истә тотарга тиешбез - терлек азыгы турында да, халыкны икмәк белән тәэмин итү турында да. Экспорт үсә барганда, Россиянең үзен тәэмин итү - бу беренчел мәсьәлә. Бусы беренчедән. Икечесе - конъюнктура", - диде Путин.

"Дөнья базарында ашлыкка бәя кимеде, моны истә тотарга кирәк. Булганны, бәлкем, базарга чыгаруда ашыкмаска кирәктер, авыл хуҗалыгы җитештерүчесе файдасына эшләргә, бәяләрне тиешле дәрәҗәдә тотарга кирәк ", - дип белдерде президент.

Ткачев, үз чиратында, РФ Авыл хуҗалыгы министрлыгы быел бөртеклеләрдән 115-116 млн тонна чамасы уңыш көтә, дип белдерде. 10-15 елдан РФ, аның сүзләренчә, 150 млн тоннага кадәр уңыш алуга ирешәчәк. Сентябрь аенда бодайга экспорт пошлинасы нульгә төшрелгән иде. Ткачев фаразлавы буенча, экспортка быел 35-40 млн тонна икмәк чыгарылачак.

2016 ел башыннан Россия экспортка бодай чыгаруны бер тапкыр ярымга арттырды. Россия быел авыл хуҗалыгы елы буенча дөнья базарында беренче тапкыр бодай чыгаруда иң эре экспортер булыр дип көтелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10