ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Авыл

Аксубайда шикәр чөгендере уңышы республика буенча уртача күрсәткечтән күбрәк чыга

25 сентябрь 2016, 16:48

Хәзер шикәр чөгендерен казып алу – авыл хезмәтчәннәренең төп бурычы.

(Казан, 25 сентябрь, “Татар-информ”). Хәзер шикәр чөгендерен казып алу – авыл хезмәтчәннәренең төп бурычы, дип яза Аксубай районының “Авыл таңнары” газетасы үзенең aksubayevo.ru сайтында.

Оператив мәгълүматларга караганда, әлеге культура игелгән 63,2 мең гектар мәйданның 24 мең гектарында 775,7 тонна татлы тамыразык казып алынган. Республика буенча уртача уңыш гектарыннан 323 центнер тәшкил итә.

Озакка сузылган яңгырлар “Аксу Агро“ агрофирмасында уңыш җыюны туктатып торды. Бу шартларда аграрийлар эшне дәвам итү өчен яхшы һава торышы булган һәр сәгатьтән файдаланды. Бүгенгә 1125 гектар мәйданнан татлы тамыр казып (план буенча 3000 гектардан артык), 37 тонна чөгендер уңышы җыелган.

Район буенча уртача уңыш республиканың уртача уңышыннан югарырак – гектарыннан 330 центнер чыга.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10