ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Төркия туристларны Россиянең эчке паспорты белән кертү турында уйлана

24 сентябрь 2016, 13:37

Кунакханәләрдә, сәүдә нокталарында, хезмәт күрсәтү урыннарында түләүне Россия акчасы белән башкару мөмкинлеген дә карыйлар.

(Казан, 24 сентябрь, «Татар-информ»). Төркиягә россиялеләрне Россия эчке паспорты белән кертү мөмкинлеге хөкүмәт һәм илнең закон органнарында карала, дип хәбәр итә INTERFAX.RU Анталия сәүдә-сәнәгать палатасы президенты Давыт Четинның Россия журналистлары белән очрашуда әйткән сүзләренә сылтама белән.

"Без россиялеләрнең барысында да Төркиягә ял итәргә бару өчен кирәк булган чит ил паспортлары бардыр дип уйламыйбыз. Бигрәк тә Мәскәү һәм Санкт-Петербург кебек зур шәһәрләрдән ераграк урнашкан төбәктә яшәүчеләрдә. Шунлыктан, Анталия сәүдә-сәнәгать палатасы хөкүмәт һәм илнең законлы органнарыннан Төркиягә россиялеләрне Россия эчке паспорты белән кертү мөмкинлеген карауны сорый, дигән Четин.

Ул Анатолия сәүдә-сәнәгать палатасының Төркия хөкүмәтендә Россия туристларын кертүгә бәйле чаралар каралуын әйтеп узган. Аерым алганда, кунакханәләрдә, сәүдә нокталарында, хезмәт күрсәтү урыннарында түләүне Россия акчасы белән башкару мөмкинлеген карыйлар. Биредә курорт зоналары турында гына түгел, бөтен Төркия территориясендә куллану турында сүз бара.

“Биредә кыенлык  бу өлкәдә рәсми закон базасы булмауда. Барысын да исәпләп, Төркиядә рубльның рәсми курсын билгеләү кирәк", - дип аңлаткан ул.

Төркиянең икътисад министры Нихат Зайбекчи Анталиядә узган форумда хөкүмәт Россия туристларына Россия акчасы белән түләү мөмкинлеге тудыра ала, дигән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10