ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Авыл

Чирмешән районының Кара Чишмә авылында көзге чәчүгә керешә алмадылар

24 сентябрь 2016, 10:17

Кайбер участокларда әле һаман салам да җыеп алынмаган. 800ләп гектарда шикәр чөгендере тамырда килеш.

 (Казан, 24 сентябрь, “Татар-информ”). Һава торышына бәйле рәвештә, озак вакыт яңгырлар яумады, районның авыл хуҗалыгы предприятиеләрендә нибары 8710 гектарда арыш һәм уҗым бодае чәчелде, дип хәбәр итә “Безнең Чирмешән” газетасы.
“Кара Чишмә“, “Алга“, “Моляков В.А.“, “Татагро“ җәмгыятьләрендә көзен кырларга чәчү агрегатлары чыга да алмады. “ЧирмешәнАГРО“, “Сөлчә“, “Күтәмә АГРОфирмасы“, “Авангард“, “Ильхан“, “Серендеев Н.И.“, “Лениногорск Агрофирмасы“ өлгеррәк булдылар. Хәзер чәчелгән участокларында матур шытымнар баш калкытты.

Бүген төп көчне җирләр эшкәртүгә туплар чак. Бу эшне Чирмешән районында әле тагын 23 мең 843 гектарда башкарасы (16 мең 978 гектарда сөрү агрегатлары узган).

“Үтәмеш АГРО“, “Кара Чишмә“, “Чирмешән Агрохезмәтләре“, “Алга“, “Моляков В.А.“ хуҗалыклары бу агротехник чараны соңга калдырдылар, алар - җир эшкәртүдә иң начар эшләүчеләр. Ә менә “Чирмешән АГРО“ барлык җирләрен дә эшкәртеп куйды. “Лениногорск Агрофирмасы“ да алдынгы сафта исәпләнә.

Кайбер участокларда әле һаман салам да җыеп алынмаган. 800ләп гектарда шикәр чөгендере тамырда килеш.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10