ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Казанда баланы бәрдергән машина йөртүчене эзлиләр

23 сентябрь 2016, 11:21

Баланы машина җәяүлеләр кичүендә бәрдергән.

(Казан, 23 сентябрь, «Татар-информ», Светлана Белова). Казанда ЮХИДИ хезмәткәрләре 21 сентябрьдә 11 яшьлек кыз баланы бәрдергән һәм һәлакәт урыныннан качып киткән машина йөртүчене эзлиләр, дип хәбәр итә Россия Эчке эшләр министрлыгының Татарстан Республикасы буенча ЮХИДИ матбугат хезмәте.

Машина баланы Сыртланова урамындагы 6нчы йорт каршында кичке сәгать 5ләр тирәсендә бәрдергән. Автомобиль кызны җәяүлеләр кичүендә бәрдергән һәм һәлакәт урыныннан качып киткән. Һәлакәт нәтиҗәсендә баланың оча сөякләре сынган.

ЮХИДИ хезмәткәрләре әлеге һәлакәтне күрүчеләрне эзли. Шаһитларның 5-333-848 һәм 02 телефоннары аша хәбәр итүләре сорала.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10