ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Зәйдәге торак йортта газ шартлауның башлангыч сәбәбе билгеле булды
Рөстәм Миңнехановка Зәйдәге гадәттән тыш хәл турында соңгы мәгълүматлар хәбәр итеп торыла
Зәйдә газ шартлаган йорттан кешеләрне күчерделәр
22 июньнең төп вакыйгалары - фото һәм сылтамалар
Әтнә авыл хуҗалыгы техникумы быел 47 механик әзерләп чыгара

Икътисад

«Милли сәүдә маркасы» билгесен Татарстанның эре җитештерүчеләре кулланырга тиеш – Фәрит Мөхәммәтшин

21 сентябрь 2016, 18:45

ТР Дәүләт Советы рәисе азык-төлек куркынычсызлыгын һәм сыйфатын тәэмин итү буенча закон проектындагы маддәгә яңа пункт өстәлүен җиткерде.

(Казан, 21 сентябрь, «Татар-информ», Надежда Гордеева). Бүген ТР Дәүләт Советының 21нче утырышында депутатлар “ТРда азык-төлекнең куркынычсызлыгын һәм сыйфатын тәэмин итү чаралары турында”гы республика законы проектын икенче укылышта якладылар.

ТР Дәүләт Советының экология, табигатьтән файдану, азык-төлек һәм агросәнәгать сәясәте буенча Комитет рәисе Таһир Һадиев билгеләп үткәнчә, 28 июньнән 28 июльгә кадәр «Ачык Татарстан» порталында закон проекты буенча җәмәгать фикер алышуы барган һәм анда проект уңай бәя алган.

Закон проекты “ТРда азык-төлекнең куркынычсызлыгын һәм сыйфатын тәэмин итү чаралары турында”гы республика законына үзгәрешләр кертү белән бәйле. 3нче маддәгә яңа пункт өстәләчәк һәм анда «Милли сәүдә маркасы» мәгълүмати билгесен алу тәртибе һәм әлеге хокуктан мәхрүм итү тәртибе расланырга тиеш.

«Әлеге системаны күптән тәртипкә китерергә кирәк иде. Закон Татарстанның эре җитештерүчеләргә өстенлек бирә. Брендны танырга тиешләр. Биредә мин закон яклы», – дип билгеләп үтте ТР Дәүләт Советы Рәисе Фәрит Мөхәммәтшин.

«Беренче чиратта, республика мәнфәгатьләре ихтыяҗ булган продукцияне демонстрацияләгәндә зыян күрмәскә тиеш», – дип саный Татарстан парламент башлыгы.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10