ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Хәвеф-хәтәр

АКШта шартлау нәтиҗәсендә 25 кеше зыян күргән

18 сентябрь 2016, 07:34

Зыян күрүчеләргә куркыныч янамый.

 (Казан,18 сентябрь, «Татар-информ»). Нью-Йоркта шартлау нәтиҗәсендә 25 кеше зыян күргән, дип хәбәр итә РИА Новости  Нью-Йоркның янгын сүндерү идарәсе хәбәренә сылтама белән.

“Челсидәге Көнбатыш 23нче урамы 133нче йортта яшәүче 25 граждан яраланганлыгы расланган", — диелә хәбәрдә.

Зыян күрүчеләр тормышына бернәрсә дә янамый, дип ачыклаган янгын сүндерү идарәсе.

Нью-Джерси штатында күмәк йөгерү алдыннан кулдан ясалган җайланма шартлаган. Ул тимер трубкадан эшләнгән булган һәм чүп-чар кисмәгендә җирле вакыт белән 9 сәгать 30 минутта (Мәскәү вакыты белән 16 сәгать 30 минутта) шартлаган. 5 километр арага каралган 5 мең кеше катнашындагы шәфкатьлелек йөгереше иртәнге 9га планлаштырылган булган, теркәлү проблемалары аркасында тоткарланган. Шартлаудан соң АКШ диңгез пехотасы ветераннарына ярдәм йөзеннән оештырылган йөгерешне уздырмаска булганнар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10