ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Һава торышы: Татарстанда чагыштырмача җылы кыш көтелә - Гидрометүзәк

17 сентябрь 2016, 16:50

Синоптиклар фаразларынча октябрьдә гадәттәгедән бераз җылырак булырга мөмкин.

 (Казан, 17 сентябрь, «Татар-информ»). Россия Гидрометүзәге ягып җылыту сезонына режим температурасы фаразларын тәкъдим итә.

Гомумән, анализдан күренгәнчә, киләсе 6 айда Россия территориясендә температура фоны күпьеллык уртача күрсәткечләр чамасы һәм бераз югарырак булыр дип көтелә. Төньяк Көнбатыш, Үзәк, Урал, Себер һәм Ерак Көнчыгыш федераль округларының күпчелек өлешендә уртача температураның гадәттәгедән түбәнрәк булуы көтелә. Февральдә илнең Азия территориясе төбәкләрендә күрсәткечләр шулай ук түбәнрәк булачак. Фаразлауларның дөреслеге 68-70 процент тәшкил итә диелгән хәбәрдә.
Соңгы 16 елда Россия Гидрометүзәгенең фаразлары 58-81 процент чамасы аклана.

Татарстан территориясендә ягып җылыту сезонында айлык уртача температура шулай ук нормага сыешлы яки нормадан югары дип хәбәр итә ТР Гидрометеорология һәм әйләнә-тирә мохитне күзәтү идарәсе. Октябрьдә уртача температура нормадан югары - 3 градус җылы һәм мартта - 6 градуска якын салкын. Ноябрь, декабрь, гыйнвар һәм февраль айларында температура нормага туры киләчәк дип фаразлана.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10