ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
“Балкыш” фестивале лауреатлары Филармония бакчасында хәйрия концерты уздыра
Татарстан баш приставы урынбасары итеп Әнвәр Закиров билгеләнде
Татар дәүләт филармониясе хәйрия концертларында бер миллион сумнан артык акча җыярга уйлый
Казанда дөнья чемпионатында 200гә якын халык фольклор коллективы чыгыш ясаячак
Әлмәт районында “КАМАЗ” һәм “БМВ” бәрелешкәннән соң төшерелгән видео барлыкка килде

Җәмгыять

Киләсе елга онкодиспансерның Әлмәт филиалында нур терапиясе үзәге ачылачак

15 сентябрь 2016, 13:44

“Республиканың көньяк-көнчыгыш өлешендә яшәүчеләр өчен нур терапиясе тагын да үтемлерәк булыр дип ышанабыз”, - ди министр.

(Казан, 15 сентябрь, “Татар-информ”, Гөлнар Гарифуллина). Киләсе елга Республика клиник онкологик диспансерның Әлмәт филиалы базасында нур терапиясе төбәк үзәген ачу планлаштырыла. Бу хакта бүген журналистларга Татарстанның сәламәтлек саклау министры Гадел Вафин хәбәр итте.

Искәртеп узабыз: бүген Казанның “Корстон” комплексында республикада онкология хезмәтенең 70 еллыгына багышланган “Яман шешне диагностикалау һәм дәвалау эволюциясе” темасына конференция ачылды.

“Алга таба төбәк үзәкләрен үстерү күздә тотыла. Заманча химия, нур терапиясе алымнарының үтемлелеген арттыру бурычы тора. Без бу юнәлештә күп эшләр башкарабыз. Киләсе елда онкодиспансерның Әлмәт филиалы базасында нур терапиясе төбәк үзәген ачарга җыенабыз”, - диде Гадел Вафин. Аның әйтүенчә, хәзерге вакытта проект эшләре бара, җиһазлар сатып алына. “Республиканың көньяк-көнчыгыш өлешендә яшәүчеләр өчен нур терапиясе тагын да үтемлерәк булыр дип ышанабыз. Бу бик мөһим, чөнки бу амбулатор режимда кулланыла торган технология. Авыручылар, чит илдәге кебек үк, килеп, кирәкле күләмдә дәвалау сеанслары ала алачак. Бу дәвалауның нәтиҗәле ысулы”, - дип белдерде министр.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10