ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар
Төмәннең "Дусларга сукмак" программасында себер татарлары әкиятләре яңгырый башлаган

Рәсми Татарстан, Дин

Татарстан Президенты Корбан гаете уңаеннан бәйрәм намазында катнашты

12 сентябрь 2016, 07:06

Бәйрәм намазын Татарстанның баш казые Җәлил хәзрәт Фазлыев уздырды.

(Казан, 12 сентябрь, “Татар-информ”). Республиканың барлык мәчетләрендә Корбан гаете уңаеннан бәйрәм намазлары узды. Кол Шәриф мәчетендәге намазда Татарстан Президенты Рөстәм Миңнеханов та катнашты дип хәбәр итә республиканың рәсми порталы.

Быел бәйрәм намазын Татарстанның баш казые Җәлил хәзрәт Фазлыев уздырды. Исегезгә төшерәбез – Татарстан мөселманнарының Диния нәзарәте рәисе, мөфти Камил хәзрәт Сәмигуллин җитәкчелегендәге меңгә якын татарстанлы Мәккәдә хаҗ сәфәрендә.

Мөселманнарга мөрәҗәгать итеп, Җәлил хәзрәт Фазлыев Корбан бәйрәменең тарихын сөйләде. Коръән буенча, бәйрәм иманы өчен улын корбан итәргә әзер булган Ибраһим пәйгамбәр хөрмәтенә үткәрелә. Аллаһы Тәгалә корбанны сарык белән алыштыра.

Татарстанның баш казые бу көннәрдә бары тик изге гамәлләр кылырга, аерып әйткәндә авыру һәм өлкән кешеләрне кайгыртырга өндәде.

Вәгазьдән соң бәйрәм намазы укылды.

Татарстан Президенты социаль челтәрдәге аккаунтларында да мөселманнарны котлады. Ул аларда Кол Шәриф мәчетенең фотосын элеп куеп: "Корбан бәйрәм мөбарәк булсын!"  дип язган.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10