ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Мәдәният, Татар дөньясы

Бу атнада Казанда III Төрки яшьләр фестивале узачак

12 сентябрь 2016, 10:08

Программада – яшьләр проектларын презентацияләү, очрашулар, экскурсияләр.

(Казан, 12 сентябрь, «Татар-информ»). 12-17 сентябрь көннәрендә Боровое Матюшино бистәсендәге «Идел» яшьләр үзәгендә III Төрки яшьләр фестивале үтәчәк, дип хәбәр итә ТР Фәннәр Академиясе матбугат хезмәте. Фестивальгә Россия һәм чит илләрдән төрки милләттәге 60лап катнашучы киләчәк.

Фестиваль Россия Федерациясенең төрле төбәкләрендә, якын һәм ерак чит илләрдә яшәүче төрки яшьләрне берләштерү, эшлекле һәм мәдәни элемтәләрне киңәйтү, яшьләр сәясәтендә, фән, мәдәният, мәгариф өлкәсендә мәгълүмат алмашу мөмкинлеге тудыру максаты белән оештырыла. Биредә шулай төрки яшьләр оешмалары проблемалары да күтәреләчәк.

Программада яшьләр проектларын презентацияләү һәм күңелле очрашулар, мәдәни программа, экскурсияләр каралган. Оештыручылар сүзләренчә, 1992 елда Казан янәшәсендә үткән төрки яшьләр корылтаен Төрки яшьләр фестиваленең башлангычы итеп санарга  була. Бездә башлангыч алган корылтай исә хәзер төрки илләр мәйданнарына күчкән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10