ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Дин

Сабада район башлыгы һәм республиканың баш казые рәислегендә имамнар киңәште

9 сентябрь 2016, 04:49

Җыелышта 18 сентябрьдә узачак сайлауларда лаеклыларга актив тавыш бирү, Корбан бәйрәмен уздыру турында фикерләр әйтелде.

 (Саба, 9 сентябрь, “Татар-информ”, “Саба таңнары”). Кичә Сабаның җәмигъ мәчетендә имамнарның чираттагы утырыш узды, дип хәбәр итте бүген “Саба таңнары” басмасы.

Район башлыгы Рәис Миңнеханов һәм республиканың баш казые Җәлил хәзрәт Фазлыев рәислегендә узган утырышта авыл җирлеге башлыклары катнашты.

Җыелышта 18 сентябрьдә узачак сайлауларда лаеклыларга актив тавыш бирү, Корбан бәйрәмен уздыру турында фикерләр әйтелде. Район башлыгы Рәис Миңнеханов һәм баш казый экстремизм һәм терроризмга каршы көрәш чаралары турында әйтеп узды. “Аның өчен кемнедер ачуланырга кирәкми. Без эш-гамәлебез белән бар яктан да үрнәк күрсәтергә тиеш”, – дип, Җәлил хәзрәт Фазлыев игелекле гамәлләр күрсәтергә өндәде.

Район ветераннар Советы рәисе Расих Сабиров тыл ветераннары турында мәгълүмат туплауда ярдәм күрсәткән авыл җирлекләренә рәхмәт белдереп, сугыш чоры балалары турында да тулырак мәгълүмат җыюда активлык күрсәтергә чакырды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10