ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов Хәким Биктиевны “Дуслык” ордены белән бүләкләде
Владимир Путин пенсия яшен арттыруны ошатмавын әйтте
Идел буе районы суды “Спурт Банк”ның элеккеге җитәкчесенә "өй аресты" җәзасын билгеләде
Шиһабетдин Мәрҗанинең фикерләренә тирән төшенү булырга тиеш – Рушан Аббясов
Мәскәү татар яшьләре "Йолдызлар яңгыры"на берләшә

Җәмгыять, Татар дөньясы

ТНВ телеканалында “Җомга киче” проектына алмашка “Болгар” радиосы концерты килә

8 сентябрь 2016, 08:59

“Кайнар хит” тапшыруына кергән популяр җырлар шушы концертта яңгыраячак

(Казан, 8 сентябрь, “Татар-информ”, Гөлнар Гарифуллина). “Яңа гасыр” телеканалында “Музыкаль дистә” тапшыруы урынына “Кайнар хит” тапшыруы алмашка килә. Бу хакта “Яңа гасыр” телерадикомпаниясе” ААҖ генераль директоры урынбасары, баш редактор Данил Гыйниятов хәбәр итте. Бүген яңа телесезонга багышланган матбугат конференциясе узды.

“Кайнар хит” беренче тапкыр узган шимбәдә чыккан. Ул иртәнге 10 нан 11 гә кадәр вакыт аралыгында күрсәтеләчәк. Аны “Алабута” җыры белән танылган Айсылу Габдинова алып барачак. Данил Гыйниятов аның яшьләр программасында “Поем и учим татарский язык” программасында алып баручы буларак берничә чыгарылышта катнашуын да искәртте.

“Тапшыруга атна дәвамында “Болгар” радиосында хит-парадта катнашкан 10 җыр керәчәк. Эфир вакытында тамашачылар турыдан-туры тавыш бирәләр. Атна дәвамында һәм эфир барышында бирелгән тавышлар саны кушылачак. Иң аз тавыш җыйган клип төшеп калачак”, - дип белдерде Данил Гыйниятов.

“Кайнар хит” тапшыруының дәвамы буларак ай саен “Пирамида” мәдәни-күңел ачу комплексында “Болгар” радиосы концерты уздырылачак. Хит булган җырлар шушы концертта яңгыраячак. “Болгар” радиосы концерты телевизион форматта һәр атна якшәмбе көнне кичен 20 сәгать 30 минутта күрсәтеләчәк. “Бу “Җомга киче” проектына алмашка килә. Бу радиодан башланып, концерт белән тәмамлана торган тулаем бер цикл”, - диде Данил Гыйниятов. Ул киләсе елның февраль аенда шул хитларның “Болгар радиосы” милли премиясенә чыгачагын билгеләп узды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10