ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Дин

Камил хәзрәт Сәмигуллин хаҗ сәфәрендә татарлар белән очрашты

5 сентябрь 2016, 13:18

Бу хакта ул социаль челтәрдәге аккаунтында хәбәр итә

(Казан, 5 сентябрь, "Татар-информ"). Татарстан мөселманнарының Диния нәзарәте рәисе, мөфти Камил хәзрәт Сәмигуллин социаль челтәрдәге аккаунтында Согуд Гарәбстанындагы хаҗ сәфәрендә булган татарлар белән төшкән фотоларын урнаштырган.



“Кичә Рияг Бахш дигән районда яшәүче Татарстан хаҗиларыбыз белән күрешеп аралаштык. Кунакханәләр, яшәү шартлары яхшы. Хаҗиларыбыз Диния нәзарәтенә рәхмәтләрен белдерде. Аларга динебезнең 5 терәгеннән берсе булган Изге Хаҗ гыйбадәтен тиешенчә үтәп, исән-имин йөреп кайтырга теләдем”, - дип язган мөфти.



Камил Сәмигуллин кичә намаздан соң Татарстан хаҗилары өчен вәгазь сөйләгәнен дә язган. Ул хаҗ, аның ритуллары хакында сөйләгән.

Камил хәзрәт Сәмигуллин хаҗ сәфәренә 29 августта китте. Быел хаҗга барлыгы 900 татарстанлы бара.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10