ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Сәясәт

Кремльдә Үзбәкстан Президентының Мәскәүдә дәвалануы турындагы имеш-мимешне кире кактылар

1 сентябрь 2016, 17:16

Ялларда республика Хөкүмәте 78 яшьлек Кәримов күпмедер вакыт таләп итә торган дәвалауда дип хәбәр иткән иде

 (Казан, 1 сентябрь, «Татар-информ»). Үзбәкстан Президенты Ислам Кәримов Мәскәүгә дәваланырга килмәде, дип белдерде журналистларга Россия Президенты матбугат секретаре Дмитрий Песков. Бу хакта "РИА-Новости" яза.

Ул шулай ук Россия табибларының Үзбәкстанга китүләре турындагы мәгълүматтан хәбәрдар булмавын белдерде.

"Ислам Кәримовның Мәскәүгә килмәвен раслый алам, ә табибларның Үзбәкстанга баруы турындагы мәгълүматка ия түгелмен", - диде Песков.

Элегрәк ММЧ Бурденко исемендәге Нейрохирургия фәнни-тикшеренү институты белгечләре Үзбәкстанда Кәримовны дәвалау белән шөгыльләнә дип хәбәр иттеләр. Ялларда республика Хөкүмәте 78 яшьлек Кәримов билгеле вакыт таләп итә торган дәвалауда дип хәбәр итте. Соңрак дәүләт башлыгының кызы Лола Кәримова-Тилляева президент инсульттан соң реанимациядә дип, ачыклык кертте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10