ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Дин

Камил хәзрәт Сәмигуллин хаҗ сәфәренә кузгалуы хакында социаль челтәрдә язып чыкты

30 август 2016, 12:05

Быел Татарстаннан хаҗга 900 кеше барачак

(Казан, 30 август, “Татар-информ”). Татарстан Республикасы мөселманнарының Диния нәзарәте рәисе, мөфти Камил Сәмигуллин социаль челтәрдәге аккаунтына хаҗга китү күренешеннән фотолар урнаштырган. “Бер төркем мөселманнар белән хаҗ сәфәренә кузгалдык”, - дип язган мөфти.

Татарстаннан хаҗга китүчеләрнең беренче төркеме юлга 28 августта юлга кузгалган иде. Камил хәзрәт Сәмигуллин әйтүенчә, быел Татарстаннан хаҗга 900 кеше барачак. Islam-today сайтына биргән интервьюсында квота тулмау сәбәбен мөфти кризис белән аңлаткан. “Ел саен норманы арттырып үтәгән Дагыстан да квотаны тутыра алмады”, - дигән мөфти.

Камил хәзрәт Сәмигуллин хаҗга баручыларның барысы да сәламәт әйләнеп кайтуларын теләде.

Хаҗга китүчеләрнең өченче группасы юлга 1 сентябрьдә кузгалачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10