ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Сәясәт, Җәмгыять

Фәрит Мөхәммәтшин Сабада район активы һәм аграрийлар белән очраша

25 август 2016, 10:08

Татарстан парламенты башлыгы район активы һәм аграрийлары белән очраша, берничә объектта булырга җыена

(Казан, 25 август, «Татар-информ»). Татарстан Дәүләт Советы Рәисе Фәрит Мөхәммәтшин республиканың Саба районына эш буенча сәфәр чыга. Татарстан парламенты башлыгының бүгенге сәфәре программасында район активы һәм аграрийлары белән очрашу, спорт комплексына һәм авыл Мәдәният йортында булу каралган, диелә ТР Дәүләт Советы матбугат хезмәте хәбәрендә.

Аерым алганда, Фәрит Мөхәммәтшин башта Сатыштагы атлар асрала торган “Мустафин” крестьян-фермерлык хуҗалыгына бара. Туктар авылында быел үзгәртеп корылган Мәдәният йортын күздән кичергәч, Байлар Сабасы бистәсендәге Мәдәният йортында район активы белән очраша.

Соңыннан ТР Дәүләт Советы Рәисе стендка ату һәм компакт-спортинг комплексында, “Сабантуй” ат-спорт комплексында конкурс өчен каралган манежда һәм ат абзарларында булырга ниятли.

(Миләүшә Низаметдинова әзерләде).


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10