ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Авыл

Апас районында иң мул уңышны уҗым бодае биргән

24 август 2016, 12:16

Фәрит Мөхәммәтшин районда көзге чәчү һәм терлек азыгы әзерләү эшләре барышы белән танышты

(Апас районы, 24 август, «Татар-информ», Александр Елисеев, Миләүшә Низаметдинова). Татарстан Республикасы Дәүләт Советы Рәисе Фәрит Мөхәммәтшинның Апас районына бүгенге эш сәфәре басуларны караудан башланды. Биредә кыр батырлары республика парламенты башлыгына башкарылган эшләр, быелгы урып-җыю кампаниясе нәтиҗәләре турында сөйләде.

Аерым алганда, 28,7 мең гектар мәйданга чәчелгән бөртеклеләрдән игенчеләр 79 тонна ашлык җыеп алган. Районда иң мул уңыш китергәне уҗым бодае булган - 35,7 мең тонна, уңдырышлылык – гектарыннан 30 центнер. Тулаем алганда, бөртеклеләр гектарыннан уртача 28 центнер чыккан. Апас районы Татарстан районнары рейтингында урып-җыю кампаниясе нәтиҗәләре буенча беренче унлыкка керә.

“Хәзерге вакытта кырларда көзге культуралар чәчү эшләре бара. Терлек азыгы әзерләү эшләре тәмамланды – барлыгы 89 мең тонна җыелды. Тиздән шикәр чөгендере алуга керешәбез”, - дип, вазгыятьне аңлатты республика парламенты башлыгына Апас районы авыл хуҗалыгы идарәсенең җитештерү-маркетинг бүлеге башлыгы Нияз Гисмәтуллин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10