ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

2 мең ришвәт тәкъдим иткән казанлы 60 мең сум штраф түләячәк

24 август 2016, 10:54

Ир-ат исерек килеш автомобиль белән идарә итүдә тотылгач, ЮХИДИ хезмәткәренә ришвәт биреп котылмакчы була

(Казан, 24 август, «Татар-информ»). Югары Ослан прокуратурасы Казанда яшәүче 59 яшьлек Фәнил Зәкиевка карата җинаять эше буенча дәүләт гаепләвен хуплады. Казанлы РФ Җинаять кодексының 30 маддәсенең 3 бүлегендә, 291 маддәсенең 3 бүлегендә каралган җинаять җаваплылыгына (ришвәт бирүгә омтылу) тартыла.

Зәкиев июнь аенда исерек килеш руль артына утыра. Югары Ослан авылы янында машина йөртүчене ЮХИДИ хезмәткәре туктата һәм ул аның нинди хәлдә булуын күрә. Административ җаваплылыктан котылу максатыннан Зәкиев патруль автомобилендә автоинспекторга 2 мең сум ришвәт бирә һәм беркетмә тутырмавын сорый.

Зәкиев судта үз гаебен тулысынча таный. Суд аңа 60 мең сум күләмендә штраф түләү карарын чыгарган.

(Надия Шәйхетдинова әзерләде).
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10