ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Мәдәният

Казанда Сөембикә-ханбикәнең тууына 500 ел тулуга багышланган күргәзмә эшли башлый

24 август 2016, 10:20

ТР Сынлы сәнгать дәүләт музее тупланмасыннан һәм Татарстан рәссамнары картиналарыннан торган күргәзмә Республика көненә багышлана

(Казан, 23 август, «Татар-информ»). 26 августта «Хәзинә» милли сәнгать галереясында “Татарстан рәссамнары: тууына 500 ел тулу алдыннан Казан ханлыгы патшабикәсе - Сөембикә образы” күргәзмәсе ачыла.

ТР Сынлы сәнгать дәүләт музее тупланмасыннан һәм Татарстан рәссамнары картиналарыннан торган күргәзмә Республика көненә багышлана.

Музейда билгеләп үтелгәнчә, Казанда Сөембикәнең легендар образы беренче тапкыр аерым күргәзмә итеп куела. Сөембикә образы – Россия патшасы хөкүмәте чорында да, шулай ук совет чоры вакытында да идеология белән тыгыз бәйләнгән тема булган.

Бүгенге көндә Сөембикә образына мөрәҗәгать итү шартлы, «мөселман авангарды», абстракционизм, концептуализм, гади алымнар, шәмаил сәнгате эстетикасы кебек постмодернизм теле аша бара.

Күргәзмә 26 сентябрьгә кадәр дәвам итәчәк.

(Надия Шәйхетдинова әзерләде).
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10