ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
"Татар кызы-2018" республика сайлап алу турының җиңүчесе билгеле
Рөстәм Миңнеханов һәм Джанни Инфантино Казанда Испания - Иран матчын карый
Иртәгә Казанда яңгыр һәм көчле җил көтелә
2018 елгы Дөнья чемпионаты көннәрендә шәһәр яны поездларының маршруты үзгәрә
20 июньнең төп вакыйгалары - фото һәм сылтамалар

Җәмгыять, Дин

Россиядә "хәләл" кунакханәләр йолдызлар урынына ай билгесе белән бәяләнәчәк

21 август 2016, 12:57

Россиядә "хәләл" стандартлы кунакханә номерларын бердәм броньлау системасы пәйда булды

 (Казан, 21 август, «Татар-информ»). Россиядә "хәләл" стандартлы кунакханә номерларын бердәм броньлау системасы пәйда булды. Бу хакта Россия мөфтиләре шурасы белән килешеп бу проектны чынга ашыру хокукы алган "Вектор" компанияләр төркеме генераль директоры Георгий Жашков хәбәр итә, дип яза "ТАСС".

Кунакханәләр өчен сынау режимында бердәм броньлау порталы, махсус колл-үзәк эшләтеп җибәрелгән дип сөйләде Жашков.

Россия мөфтиләре шурасының "Хәләл" Халыкара стандартлаштыру һәм сертификацияләү үзәгендә белдерүләренчә, мөселманнар өчен номерлар броньлый торган аерым сайтлар 2014 елдан бирле эшли, әмма кунакханәдә барлык номерлар да ислам кануннарына туры килми. Бердәм броньлау сервисы һәм сертификацияләү стандартлары бу проблеманы хәл итәргә тиеш.

Мөселманнар өчен номер илнең берничә төбәгендә, шул исәптә Казанда да бар, дип сөйләде Мәскәү өлкәсе мөселманнары Диния нәзарәте рәисе Рушан Аббасов һәм бу өстенлекле юнәлеш мөселман илләреннән туристлар агымын арттырырга мөмкин дип өстәде.

Мөселманнар өчен номерлар әзерләү һәм сертификат алу өчен кунакханәләр хуҗаларына "Хәләл" Стандартлаштыру һәм сертификацияләү халыкара үзәгенә заявка бирергә кирәк. Тикшерүдән һәм персоналны өйрәтүдән соң документ бөтен кунакханәгә түгел, ә берничә бүлмәгә бирелә.

Сертификацияләү буенча бөтен дөнья буенча кабул ителгән "йолдызлар" урынына "хәләл" кунакханәләрдә бердән алып биш ай билгесе белән бәяләнәчәк. Бер ай белән Коръән нөсхәләре, намаз вакыты, Кыйбла күрсәтелгән, "хәләл" кафесы яки хәләл ризыклар китертү турында мәгълүмат булган кунакханә бәяләнә, ә ислам нормаларына тулысынча туры килгән кунакханә биш айлы булачак, анда аерым аш-су бүлмәсе, бассейн, сауна, чәчтарашханә һәм кунаклар белән бер җенестәге персонал булырга тиеш.

(Гөлүзә Василова әзерләде).

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10