ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Мәдәният

Казанда матур әдәбиятны татар теленнән инглиз теленә тәрҗемә итүчеләр конкурсына нәтиҗә ясалды

1 февраль 2006, 09:05

(Казан, 1 февраль, «Татар-информ», Диләрә Рәхимова). 4 февральдә Казан дәүләт университетында татар теленнән инглиз теленә тәрҗемә итүчеләр конкурсы финалы һәм нәтиҗәләр чыгару узачак. Казанда мондый конкурс беренче тапкыр үтә. Ул инглиз классикасы әсәрләрен беренче тапкыр татар теленә тәрҗемә итүне башлаган сәләтле тәрҗемәче Шәрәф Мөдәрис исемен йөртә.

Конкурс КДУның филология факультеты роман-герман филологиясе кафедрасы һәм Казан Мәгариф идарәсе белән берлектә оештырылды. Аңарда шәһәр мәктәпләренең 10-11 сыйныф укучылары катнашты. Конкурста катнашучыларның иң лаеклы унысы финалда катнашу өчен сайлап алынды, дип хәбәр итте «Татар-информ» хәбәрчесенә КДУның роман-герман филологиясе кафедрасы доценты Роза Әюпова.

«Әлеге конкурс белән без нәтиҗәдә татар әдәбиятын дөнья дәрәҗәсенә тәкъдим итәчәк әдәби тәрҗемәнең чын осталарын үстерергә ниятлибез. Конкурс ярдәмендә булачак тәрҗемәчеләрне мәктәп елларыннан ук әзерләргә була», - диде Роза Әюпова. Ул шулай ук киләсе елга конкурс инде республика күләмендә узачак, өстәвенә аңарда катнашырга Россиянең башка төбәкләреннән дә татар әдәбиятын өйрәнүче укучылар чакырылачак.

Олимпиаданың район турында укучыларга татар классиклары һәм хәзерге заман язучыларының әсәрләреннән өзекләрне тәрҗемә итәргә тәкъдим ителгән. Финалга чыгучыларга барлыгы 10 минут эчендә татар әсәреннән әдәби тәрҗемә ясарга, аннан соң инглиз телендә әлеге әсәрнең авторы турында кыска чыгыш ясарга кирәк булачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10