ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
Татар яшьләре спектакль эскизы аша “Мергасов йорты” серләрен ача
27 майның төп вакыйгалары - фото һәм сылтамалар
Рөстәм Миңнеханов Казанның тарихи үзәгендәге объектларны төзекләндерү эшләре белән танышты
Татарстан гаиләләре Марий Элдагы гаилә ансамбльләре фестивалендә катнашкан
Бүген Үзбәкстанда Сабан туйлары уза

Җәмгыять, Татар дөньясы

Япониянең Татар теленнән халыкара олимпиадада җиңүче яшьләре Токиода очрашып сөйләшкән

14 май 2018, 11:14 , Фото: соцсети

Япониянең Татар теленнән халыкара олимпиадада җиңүче яшьләре Токиода очрашып сөйләшкән
“Татар теленнән олимпиада истәлекләрен уртаклаштык, тел мәсьәләсе турында сөйләштек”, - дип белдерде Юто Хишияма.

(Казан, 14 май, “Татар-информ”, Гөлнар Гарифуллина). Татар теле һәм әдәбиятыннан халыкара олимпиадаларда катнашкан япониялеләр Юто Хишияма, Мидзуки Накамура, Чихиро Тагучи Япониянең Токио шәһәрендә очрашкан. Бу хакта Юто Хишияма социаль челтәрләрдә хәбәр итә.

  • 2018 елда Казанда татар теленнән VI халыкара олимпиада 22-25 апрель көннәрендә үтте. Юто Хишияма – 2014 елда халыкара олимпиадада катнашкан беренче япон вәкиле.

“Чихироны 1нче урын алуы белән котлау өчен, Токиодагы кафеларның берсендә очраштык. Татар теле буенча олимпиада истәлекләрен уртаклаштык. Тел мәсьәләсе турында сөйләштек. Мин үзем японнардан олимпиадада беренче булып катнаштым. Аннары киләсе елга Мидзукины чакырдым”, - ди Юто “Татар-информ” хәбәрчесенә.

Мидзуки Накамура 2017 елгы олимпиадада Гран-при яулады. “Үзем япон булсам да, йөрәгем – татар, чөнки әбием - татар милләтеннән. Татар теле – матур тел, мәдәният теле. Бу матур телне безнең балаларыбыз өчен, бөек татар халкының киләчәге өчен саклыйк. Бу матур телне онытмагыз. Бергәләп күбрәк өйрәник”, - дип сөйләгән иде ул былтыр агентлыкка биргән интервьюсында.

Мидзуки Накамура тәкъдиме буенча, быел олимпиадага Япониянең Канагава шәһәреннән Чихиро Тагучи килгән иде. Ул олимпиадада беренче урынга лаек булган.

  • Татар теленнән VI халыкара Олимпиада Россия субъектларында һәм чит илләрдә татар теле һәм әдәбияты белемен, татар мәдәниятен үстерү һәм саклау өчен шартлар тудыру максатыннан уздырыла. Быел татар теленнән белемнәрен барлыгы 460 укучы сынады. Татарстаннан - 216, Россиянең 26 төбәгеннән - 92, 13 чит илдән - 30 укучы һәм студент, Россиянең якшәмбе мәктәпләреннән - 16 укучы, Татарстан һәм Россия субъектларыннан 50 студент катнашкан иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10