ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Башкортстан вәкилләре Словениядә бал кортларына багышланган конференциядә катнашты
Доллар бәясе 61 сум 67 тиен булды
Казанда Вознесенский тракты төзелеше өчен Сосновкадагы йортлар сүтелмәячәк
Татарстанда гражданнарга бушлай юридик ярдәм күрсәтү системасында 148 адвокат катнаша
Милли шура рәисе Алтай крае хөкүмәте вәкилләре белән очрашты

Сәясәт

Удмурт язучысы: Без туган телләрне укыту мәсьәләсен хәл итүне Татарстаннан көттек

12 май 2018, 10:11 , Фото: udmurt.ru

Удмурт язучысы: Без туган телләрне укыту мәсьәләсен хәл итүне Татарстаннан көттек Халык язучысы Вячеслав Ар-Серги Удмуртиядә туган телне мәҗбүри укытуны кертү инде мөмкин түгел дип саный.

(Казан, 12 май, “Татар-информ”, Динә Йосыпова). Удмуртиянең халык язучысы Вячеслав Ар-Серги (Вячеслав Сергеев) Россиянең милли республикаларында туган телләрне укыту мәсьәләсен Татарстан хәл итәргә мөмкин дип санавын әйтте. Бу турыда ул “Татар-информ” хәбәрчесенә әйтте.

Вячеслав Ар-Серги Дәүләт Думасы туган телне ата-аналар теләге белән укыту турында закон проекты кабул ителгән очракта Удмуртия өчен берни дә үзгәрмәячәк ди. “Удмурт теленең мәҗбүри укытыла торган предметлар исемлегенә элек тә кергәне булмады. Уртача дәрәҗәдә ничек эшли идек, әле дә шулай эшлибез”, - диде ул.

Язучы Татарстан республикасы туган телне укыту проблемасын хәл итәчәк дип өметләнгән булуын әйтте. “Әмма барлык рус булмаган Россияле көткән сөйләшү әле булмады. Татарстанда да көзен бу мәсьәлә хәл ителер дигәннәр иде, әмма проблема чишелмәде”, - диде ул.

Язучы фикеренчә, туган тел ул – тәрбия нигезе. “Туган телсез кеше үз урынын таба алмый. Ә безнең бай хакимият моны аңламый. Туган телсез кеше гражданин дип тә санала алмый. Кемнеңдер теләге белән генә туган телне алып атып, юк итеп булмый. Бу дөньяда бар әйбер дә үзара бәйләнгән. Шуны аңларга кирәк. Халык бит сүз әйтергә курка. Ә халык сүз әйтмәгәндә теләсә нәрсәләр эшләргә була. Хәерчегә җил дә каршы”, - ди ул.

Шагыйрь хәзерге вакытта Удмуртиядә туган телдә мәҗбүри укытуны кертүне мөмкин эш түгел дип саный. Әмма шул ук вакытта тел укыту мәсьәләсендә хәлләре Удмуртиядән дә начаррак булган республикалар бар икәнен искәртте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10