ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
Республика программасы нигезендә Әтнә районы юлларын яктырталар
Кукмараның Туеш микрорайонында ачылган мәчет – районда 76нчы дин йорты
“Буа театры: диалог киңлегендә” фестивален Сергей Безруков спектакле тәмамлады
Әтнә кызы WorldSkills Russia чемпионатында җиңү яулаган
Дөнья чемпионаты вакытында Казанга автобуслар керү чикләнә

Хәвеф-хәтәр

Чаллыда биш яшьлек баланы тәрәзәдән ыргыткан ирне ун елга ирегеннән мәхрүм иттеләр

26 апрель 2018, 16:14 , Фото: Эльвира Мухаметдинова

Чаллыда биш яшьлек баланы тәрәзәдән ыргыткан ирне ун елга ирегеннән мәхрүм иттеләр Судта Иван Никитин гафу үтенгән.

(Чаллы, 26 апрель, “Татар-информ”, Эльвира Мөхәммәтдинова). Чаллы суды биш яшьлек баланы тәрәзәдән ыргыткан ир-атны ун елга ирегеннән мәхрүм итү турында хөкем карары чыгарды.

Бүген хөкем ителүче Иван Никитин соңгы сүзен әйткән. Ул үз мөрәҗәгатендә: “Мине гафу итүегезне сорыйм. Мин беркемне дә үтерергә теләмәдем. Гадел хөкем чыгарылуына өметләнәм”, - дигән.

6 февральдә Иван Никитин танышы фатирында алкоголь кулланган. Шунда хуҗа хатынның оныгы булган. Тикшерү фаразлары буенча, Иван Никитин бик нык исерек булып, биш яшьлек баланы тәрәзәдән ыргыткан. Кыз бала өченче каттан егылып төшкән, бәхеткә, ул исән калган.

Шаһит кеше ашыгыч ярдәм һәм полиция чакырган. Кыз баланы хастаханәгә китергәннәр. Егылганда баланың беләзек сөяге сынган һәм ул бик курыккан. 34 яшьлек Иван Никитинга карата җинаять эше ачылган. Ул үз гаебен өлешчә таныган.

Суд Иван Никитинны ун елга ирегеннән мәхрүм итү турында карар чыгарды һәм каты режимдагы колониягә озатты. Өстәмә җәза сыйфатында суд аның иректәге гомерен тагын бер елга чикләде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10