ҺАВА ТОРЫШЫ +16 oC

Яңалыклар

барлык хәбәрләр Татарстан Россия
МӨҺим
Мәскәүдә башкорт телен яклап концерт куйганнар
Татарстан спортчылары Австриядә стендта ату буенча көмеш медаль яулады
Казанда һәм Питрәчтә җир урлаган өчен биш кешене хөкем итәләр
РФ Республикалары туган телне ихтыяри өйрәнү буенча ТР Дәүләт Советы мөрәҗәгатен хуплады
Теләче районы өч көннән язгы чәчү эшләрен төгәлләргә ниятли

Хәвеф-хәтәр

Түбән Камада гаражда марихуана үстергән ир-атны хөкем итәләр

25 апрель 2018, 19:29

Түбән Камада гаражда марихуана үстергән ир-атны хөкем итәләр Хәзер һәваскәр “бакчачы”га 20 ел төрмә яный.

(Түбән Кама, 25 апрель, “Татар-информ”, Алсу Арсланова). Түбән Камада 38 яшьлек ир-атка суд булды. Аны 2017 елның октябрендә Россия Куркынычсызлык федераль хезмәтенең Татарстан буенча идарәсе хезмәткәрләре тоткарлаган иде.

Аның кесәләрендә марихуана салынган 30 пакет табылган. Әлеге ир-аттан барлыгы дүрт кг наркотик алынган. Ир-ат наркотик куллану, саклау һәм сатуда гаепләнә. Хәзер һәваскәр “бакчачы”га 20 ел төрмә яный.

Ир-ат марихуана үстерү өчен гаражын җайлаштырган. Судта ул үз гаебен кире какты, әмма марихуананы сатарга җыенмавы, ә үзе өчен генә үстерүен әйтте.

Гаепләнүче сүзләренчә, ул уңыш шулкадәр күп булыр, дип уйламаган. Әмма судка тыелган матдәнең ни өчен пакетларга тутырылган булуын аңлата алмады.

Ир-ат элек хөкем ителмәгән. Судта әнисе яшь аралаш улының наркотикларга тартылуын сизмәвен әйтте.

Судның беренче утырышында шаһитлардан сорау алдылар. Киләсе тыңлауларда хөкем карары чыгарылачак.

Гаепләнүченең наркотиклар саклауда һәм сатуда гаебе ачыкланса, аңа 20 елга ирегеннән мәхрүм итү яный.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10