ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
Азнакайда 4 меңнән артык бала төрле лагерьларда ял итәчәк
Арча кызы КФУның “Каурый каләм” бәйгесендә Гран-при иясе булды
Республика программасы нигезендә Әтнә районы юлларын яктырталар
Кукмараның Туеш микрорайонында ачылган мәчет – районда 76нчы дин йорты
“Буа: диалог киңлегендә” фестивален Сергей Безруков спектакле тәмамлады

Җәмгыять

Татарстанда прививкалар буенча бердәм белешмә базасы булдырылачак

24 апрель 2018, 19:33

Һәр табиб, бу базага кереп, прививкалар турында мәгълүмат ала алачак.

(Казан, 24 апрель, “Татар-информ”, Гөлнар Гарифуллина). Татарстанда халыкка ясалган прививкалар буенча бердәм белешмә базасы булдырылачак. Бу проект Татарстанның Мәгълүматлаштыру һәм элемтә министрлыгы белән берлектә тормышка ашырыла. Бу хакта бүген Татарстан Министрлар Кабинетында узган брифингта сәламәтлек саклау министры урынбасары Владислав Виниченко хәбәр итте.

Аның әйтүенчә, хәзерге вакытта ЕГАИСта (Бердәм дәүләт мәгълүмат системасы) “вакцинопрофилактика” бүлекчәсе эшләнә. “Һәр табиб, бу базага кереп, мәгълүмат ала алачак. Вакцинация вакытында прививка кайчан ясалганын беләчәк”, - дип белдерде Виниченко.

Татарстан буенча Роспотребнадзор идарәсе җитәкчесе Марина Патяшина прививканы тулысынча сәламәт вакытта гына ясатырга яравын искәртте. “Вакцинация алдыннан, участок терапевты яки участок педиатры пациентны тикшерә. Хосусый үзәктә табиб күзәтүеннән башка гына прививка ясатам, дип уйлау ялгыш. Тиздән прививкалар буенча бердәм база булдырылачак, бу кирәгеннән артык яки тиешсез вакытта кадатмау өчен кирәк”, - дип аңлатты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10