ҺАВА ТОРЫШЫ +13 oC

Яңалыклар

барлык хәбәрләр Татарстан Россия
МӨҺим
Азнакайда 4 меңнән артык бала төрле лагерьларда ял итәчәк
Арча кызы КФУның “Каурый каләм” бәйгесендә Гран-при иясе булды
Республика программасы нигезендә Әтнә районы юлларын яктырталар
Кукмараның Туеш микрорайонында ачылган мәчет – районда 76нчы дин йорты
“Буа: диалог киңлегендә” фестивален Сергей Безруков спектакле тәмамлады

Татар дөньясы

Барнаулда беренче тапкыр заманча татар музыкасы яңгыраячак

23 апрель 2018, 20:46 , Фото: Султан Исхаков

Барнаулда беренче тапкыр заманча татар музыкасы яңгыраячак Заманча музыканы “Мин татарча сөйләшәм!” акциясе һәм татар теле көннәре кысаларында ишетеп булачак.

(Казан, 23 апрель, “Татар-информ”, Алмаз Шиһабетдинов). Алтай краеның Барнаул шәһәрендә беренче тапкыр заманча татар музыкасы яңгыраячак. Бу хакта “Татар-информ” хәбәрчесенә Барнаулның “Дулкын” татар мәдәнияте үзәге рәисе урынбасары Артем Зинәтуллин хәбәр итте.

26 апрель көнне бөек татар шагыйре Габдулла Тукайның туган көнендә Барнаулның “Дулкын” татар мәдәнияте үзәге туган теле көненә һәм “Мин татарча сөйләшәм!” акциясенә чакыра.

18:00 сәгатьтә Барнаулның “Мир” мәйданчыгы янында беренче тапкыр заманча татар музыкасы концерты узачак. Шулай ук теләүчеләр “Мин татарча сөйләшәм!” акциясенә кушылып, татар теле белән таныша ала.

“Без җәмәгатьчелеккә заманча татар музыкасын чыгарырга телибез. Халык аның барлыгын белергә тиеш. Без альтернатив музыканы да, эстрада музыкасын да сайларга тырыштык. Биредә Рәдиф Кашапов, “АИГЕЛ”, Динә Гарипова һ.б җырчыларның җырлары яңгыраячак”, - диде Артем.

19:00 сәгатьтә “ачык микрофон” эшли башлаячак. Биредә һәр теләгән кеше рус, татар телләрендә шигырьләр укый, шулай ук үз иҗатындагы шигырьләр белән дә таныштыра алачак. Шигырь укырга Россия язучылар берлеге әгъзалары килүе көтелә.

Чара Бөтендөнья татар яшьләре форумы, Барнаул шәһәренең “Дулкын” татар мәдәнияте үзәге ярдәме белән оештырыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10