ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
VI Республикакүләм ифтарга әзерлек тәмамланып килә
Казанның Мәскәү районындагы җитди һәлакәт фотолары чыкты
“Каравон” башка фольклор бәйрәмнәр янәшәсендә аерым урын алып тора - Алексей Песошин
Сергей Безруков: Мин Казанга гашыйк, шәһәр чисталыгы һәм архитектурасы белән гаҗәпләндерә
Татарстанда быел 1 млн. 73,8 мең кв. метр торак сафка кертелгән

Җәмгыять

Ялтада “Мөселман илләре журналистлары цивилизацияләр партнерлыгы” халыкара форумы башланды

23 апрель 2018, 20:14

Форум эшендә Татарстан Дәүләт Советы Рәисе урынбасары Римма Ратникова катнаша.

(Казан, 23 апрель, “Татар-информ”). Бүген Ялтада “Россия-Ислам дөньясы” старатегик караш төркеме химаясында “Мөселман илләре журналистлары цивилизацияләр партнерлыгы” IV халыкара форумы башланды. Форум эшендә Татарстан Дәүләт Советы Рәисе урынбасары, Татарстан Журналистлар берлеге рәисе Римма Ратникова катнашты, дип хәбәр итә республика парламенты матбугат хезмәте.

Татарстан Президенты Рөстәм Миңнеханов “Россия-Ислам дөньясы” старатегик караш төркеме рәисе булып тора. Ул форумда катнашучылар адресына сәламләү хаты юллаган, аны Римма Ратникова укыган. Аерым алганда, мөрәҗәгатьтә заманча кеше өчен массакүләм мәгълүмат чараларының әһәмиятен бәяләү кыен диелгән. Аудиториянең теге яки бу вакыйгага мөнәсәбәте төп мәгълүмат чыганагы буларак матбугат йогынтысында формалаша.

Форумда катнашучылар мәдәниятләр диалогын популярлаштыруга ярдәм итүче цивилизацияләр партнерлыгы һәм мәгълүмат сәясәте принциплары мәсьәләләре турында фикерләштеләр. Бу тема буенча фикер алышуда 50дән артык илдән килгән журналистлар, сәяси күзәтүчеләр, баш мөхәррирләр катнашты. Экспертлар Россия Федерациясенә мөселман илләре белән хезмәттәшлекне ныгыткан өчен рәхмәт белдерделәр. Аерым рәхмәт сүзләре нәтиҗәле дискуссияләр өчен шартлар булдырганга Рөстәм Миңнеханов адресына әйтелде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10