ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
VI Республикакүләм ифтарга әзерлек тәмамланып килә
Казанның Мәскәү районындагы җитди һәлакәт фотолары чыкты
“Каравон” башка фольклор бәйрәмнәр янәшәсендә аерым урын алып тора - Алексей Песошин
Сергей Безруков: Мин Казанга гашыйк, шәһәр чисталыгы һәм архитектурасы белән гаҗәпләндерә
Татарстанда быел 1 млн. 73,8 мең кв. метр торак сафка кертелгән

Мәдәният

"Яңа гасыр энҗеләре" XV Татар хор музыкасы фестивалендә 15 коллектив катнаша

23 апрель 2018, 13:24 , Фото: mincult.tatarstan.ru

Гала-концерт 26 апрельдә С.Сәйдәшев исемендәге Зур концерт залында уздырыла.

(Казан, 23 апрель, «Татар-информ»). 26 апрельдә С.Сәйдәшев исемендәге Зур концерт залында XV Татар хор музыкасы фестиваленең гала-концерты була, дип хәбәр итә ТР Мәдәният министрлыгының матбугат хезмәте.

Татар хор музыкасы фестивале Габдулла Тукай, Муса Җәлил, Нәҗип Җиһанов, Александр Ключарев, Шамил Шәрифуллин һ.б. күренекле шәхесләргә багышлана һәм Казан консерваториясендә ел саен үткәрелә.

Быел фестивальдә Казанның балалар музыка мәктәпләре, Казан музыка көллияте коллективлары, һәвәскәр башкаручылардан оештырылган хорлар катнашты. «Нәүрүз» һәм «Сөембикә» коллективларының иҗат кичәләре, Эльмир Низамов һәм Светлана Зорюкова концертлары узды, 8нче балалар музыка мәктәбендә хор коллективлары чыгыш ясады.

Быелгы фестиваль «Яңа гасыр энҗеләре» дип атала. Гала-концертта Р.Кәлимуллин, Р.Әхиярова, Ш.Шәрифуллин, М.Шәмсетдинова, С.Зорюкова, Э.Низамов, Л.Таһирова кебек композиторларның әсәрләре яңгыраячак.

Фестивальдә барлыгы 15 коллектив катнаша.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10