ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Мәдәният

Әхтәм Зарипов Татарстан Язучылар берлегенә кабул ителгән

23 апрель 2018, 08:33 , Фото: архив tatar-inform

Әхтәм Зарипов Татарстан Язучылар берлегенә кабул ителгән Әлеге карар берлекнең идарә утырышында кабул ителгән.

(Казан, 23 апрель, «Татар-информ», Рузилә Мөхәммәтова). Татарстанның атказанган сәнгать эшлеклесе, күренекле телевидение режиссеры Әхтәм Зарипов Татарстан Язучылар берлегенә кабул ителде. Бу хакта Татарстан Язучылар берлегенең матбугат үзәге хәбәр итә.

Әхтәм Зариповны Татарстан Язучылар берлегенә кабул итү кирәклеген беренче булып, күренекле режиссерның китапларын тәкъдим итү кичәсендә халык шагыйре Роберт Миңнуллин күтәреп чыкты: “Язучы дидек, аның кирпеч калынлыгы ике китабы бар. Ләкин ул, кызганыч, һаман да язучылар берлеге әгъзасы түгел. Аның беренче тапкыр ун еллар элек күңеленә “корт” кергәнен - “Язучылар берлегенә мине алырлармы икән?” дигәнен хәтерлим. Ни гаҗәп, аны Берлеккә алмыйлар”, - дигән иде ул сәхнәдән.

Ниһаять, Татарстан язучылар берлегенең чираттагы идарә утырышында Әхтәм Зарипов Берлеккә кабул ителде.

Берлекнең матбугат үзәге хәбәр итүенчә, яңа әгъзалар кабул итү мәсьәләсе идарә утырышында каралган һәм өч кеше кабул ителгән. Әхтәм Зарипов (Казан), шагыйрә Сәрия Бикмөхәммәтова (Әлмәт), шагыйрь Роберт Сәләхиев (Актаныш) Татарстан Язучылар берлеге Идарәсе тарафыннан Берлек әгъзалары булырга лаек дип табылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10