ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Чаллыда кызның аяк табанын өздергән трамвай йөртүче эшсез калдырмауларын сорады
Зәй юл хәрәкәте иминлеге дәүләт инспекциясенә яңа җитәкче билгеләнде
Казанда Дөнья чемпионаты җанатарларын стадионга 15 шаттл йөртәчәк
Сессиядә туган телләрне укыту турында закон проектын карауны тәкъдим итәчәкбез – Р.Вәлиев
Казанда Дөнья чемпионаты вакытында тонна ярым чәк-чәктән футбол тубы ясыйлар

Татар дөньясы, Фән һәм мәгариф

Татар теленнән халыкара олимпиадада катнашучылар өчен 20 төрле бирем җыелмасы әзерләнгән

22 апрель 2018, 19:34 , Фото: Салават Камалетдинов

Татар теленнән халыкара олимпиадада катнашучылар өчен 20 төрле бирем җыелмасы әзерләнгән "Узган елгы нәтиҗәдән чыгып, биремнәргә бераз үзгәрешләр кертелә", - диде Лилия Әхмәтҗанова.

(Казан, 22 апрель, "Татар-информ", Гөлнар Гарифуллина). Татар теле һәм әдәбияты буенча VI халыкара олимпиадада катнашучылар өчен 20 төрле бирем комплекты ясалган. Бу хакта "Татар-информ" хәбәрчесенә Татарстан Мәгариф һәм фән министрлыгының Милли мәгариф идарәсе башлыгы Лилия Әхмәтҗанова хәбәр итте. 

Искәртеп үтик, халыкара олимпиадада татар теленнән белемнәрен барлыгы 460 укучы сыный. Татарстаннан 216, Россиянең 26 төбәгеннән 92, 13 чит илдән 30 укучы һәм студент, Россиянең якшәмбе мәктәпләреннән 16 укучы, Татарстан һәм Россия субъектларыннан 50 студент катнаша. Бу татар теле һәм әдәбиятыннан төбәкара олимпиада җиңүчеләре һәм призерлары, татар теле һәм әдәбиятыннан интернет-тестлаштыру һәм әңгәмәләрдә катнашучылар. 

"Татарстанда татар мәктәпләре, татар төркемнәре, рус мәктәпләре өчен - аерым, төбәкләрдәге милли мәктәпләрдә, рус мәктәпләрендә, якшәмбе мәктәпләрендә укучылар өчен аерым биремнәр әзерләнде. Чит илләр өчен, шулай ук, латин графикасы белән ясалган аерым биремнәр. Мәсәлән, Финляндия, Япония кириллицаны белми, алар татар телен латин графикасы белән өйрәнә. Балаларга бөтен мөмкинлекләр тудырылган", - дип белдерде Лилия Әхмәтҗанова. 

Аның сүзләренчә, алдагы елларда биремнәр үтәлешенә карап, берникадәр үзгәрешләр кертелә. "Без инде алдагы елларның биремнәр үтәлешен дә карыйбыз, бөтен бала да җавап биргән җиңел биремнәр була, аларга күпмедер үзгәреш кертелә. Бик авыр, беркем дә җавап бирә алмаган биремнәр була, димәк, ул бала өчен авыр, алар күпмедер җиңеләйтелә. Узган елгы нәтиҗәдән чыгып, биремнәргә үзгәрешләр кертелә. Тарих буенча да сораулар кертелде",- диде әңгәмәдәш. 

Лилия Әхмәтҗанова балалар арасында тел белеме дәрәҗәсе буенча төрлесе булуын билгеләп узды. "Финляндиядән килгән егетләребез бик яхшы белә татарча, Япониядән килүче шулай яхшы сөйләшер дим көтмәгән идем. Кырымнарның күбрәк кырымтатарчарак. Гарәп Әмирлекләреннән килгән егет миннән әйбәт сөйләшә дияргә була, чөнки тамырлары Татарстанныкы. Чувашиядән, Башкортстаннан татарча бик яхшы белүчеләр бар", - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10