ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
VI Республикакүләм ифтарга әзерлек тәмамланып килә
Казанның Мәскәү районындагы җитди һәлакәт фотолары чыкты
“Каравон” башка фольклор бәйрәмнәр янәшәсендә аерым урын алып тора - Алексей Песошин
Сергей Безруков: Мин Казанга гашыйк, шәһәр чисталыгы һәм архитектурасы белән гаҗәпләндерә
Татарстанда быел 1 млн. 73,8 мең кв. метр торак сафка кертелгән

Хәвеф-хәтәр

Татарстанда көчле җил булу ихтималы турында кисәтелә

22 апрель 2018, 11:15 , Фото: Рамиль Гали

Татарстанда көчле җил булу ихтималы турында кисәтелә Татарстан Гидрометеорология идарәсе якындагы өч сәгатьтә республикада көньяктан бик көчле җил көтелүен, аның секундына 20-25 метрга җитәчәген җиткерә.

(Казан, 22 апрель, “Татар-информ”). Татарстанда көчле җил булу куркынычы турында кисәтү таратылды. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Татарстан Гидрометеорология һәм әйләнә-тирә мохитне күзәтү идарәсе якындагы өч сәгатьтә республикада көньяктан бик көчле җил көтелүен, аның секундына 20-25 метрга кадәр җитәчәген хәбәр итә. Әлеге хәл көне буена һәм кичен дә сакланачак.

Гадәттән тыш хәлләр министрлыгы бик кирәк булмаганда өйдән чыгып йөрмәскә, балаларны күзәтүсез калдырмаска чакыра.

Россия Гадәттән тыш хәлләр министрлыгының Татарстан буенча Баш идарәсе һава шартлары бозылган вакытта җәяүлеләргә:

- урамда булганда, реклама такталарыннан, агачлардан һәм электр тапшыру линияләреннән ераграк торырга;
- түбәләре, кәрнизләре, витриналары начар торган бина һәм йортлар янына сыенмаска;
- транспорт тукталышларында калмаска;
- имгәнүләрдән саклану өчен йорт, бина подъездларына яки подвалларга кереп тору сорала.

Шулай ук зур агачлар янына ышыкланмаска һәм анда машиналарны куймаска киңәш ителә.

Җил көчәйгәндә, тәрәзәләрне ныгытып ябарга, балконнан аска очып төшеп китәрдәй әйберләрне алып кую сорала. Өйдә, бинада булганда тәрәзә янында тормаска киңәш ителә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10